اليوم حبايب قلبي حابه أحكيلكم سالفه..ومو أي سالفه من قهري ترى قلت يمكن تشلون ضيجتى شويه "بردودكم"
**** ***** ***** ***** ******
السالفه سالفه رفيجتي..هذه إنسانه وايد مقربه عندي وبينا تواصل ومحبه وإخلاص,,,
وشبه متواصل بشكل يومي بس أنا من فتره قطعت زياراتي واكتفيت بسؤال والاتصال وهي المسكينه كلش تزورني وكل ما تي عندي تقولي تفضلي عندي...وانا أقولها إن شاء الله فديتج..."وأتحجج بالظروف والدراسه ومشاغل"!!!!
البارحه يات... وحست ف قلبها كلام وايد...
قالتلي:أنا عارفه انتي ليش جطعتي جيتج عندي!!!
والله أنصدمت وما عارفت شو ارد عليها!!!
"كيف عرفت,,,؟ وأنا ما حكيت لحد الموضوع غير اختي...واختي مستحيل تحكي لحد...!!
معقوله "يكون هو أشتكى ع روحه؟!!!!"
قالت:"زوجي تحرشلج....صح؟!
تميت عشر دقايق متجمده مو عارفه شو ارد ولا شلون أطالعها...
أيوا..."بس أسفه ما جدرت أخبرج خفت...
يطيح من عينج,,,أو أنج ما تصدجيني!!!
واخسرج,,,وانا مو حابه اخسر صداقتج...
المره الاولي عديتها قلت "سكران ومو صاحي"...والمره الثانيه هم قلت بقايا الليل ومو داري بروحه...بس المره الثلاثه وهو بكامل قواه العقليه,,,لا طبعا وقفته عند حده...
شفت نظره الحزن ف عيونها ضحكه ألم وردت علي..."يطيع من عيني....!!"هو طايح من زمااااااااااان" ما زلت هالكلمه ترن ف أذني" من زمااااااان"
حبيبتي هو طاااايح من عيني بس أحبه..!!
سمعوا أنتو هذه,,,,!!!!"تحبه!!!!
هو كل يوم يخوني شكل ولون...بس أحبه
من اول يوم تزوجنا وهو يخوني...وأحنا ف شهر العسل ف تايلند" كان يخوني وجدام عيني شفته يتحرش ب"......"!!!!!
بس والله أحبه....وما خلى وحده وما تحرشلها
يعني أنتي مو اول وحده ولا أخر وحده...
بكل اسى وحزن عورتلي قلبي وقلتها شو جبرج تتحمليه وترضين هالشى....
أوين...أحبه وهو أول حب ف حياتي ومتزوجين عن حب طويل وعذاب وانتظار وألحين هو أبو عيالي وكل ما لي,,,,!!!
من صدجها هذه تو,,,,!!!!!
تحب واحد فيه كل هالعيوب...مو كافي سكير وخمار ولا يخاف ربه ولا يصلي ولايعرف شى من العباده...
بعد السكير ممكن نتحمله والله يهديه بس الخيانه "عيني عينك" وتقولي رسايل غراميه ساده جواله هذا غير أتصالات نص الليل
وبعثره فلوسه ع "الماسخات"!!!
بس أحبه وعندي أمل يرجعلي لي وحدي ويعرف كم أحبه وأموت عليه...
***** ***** ****** ****
أنتو ألحين قولولي شو هالحب بالله عليكم!!
شو هالجنون وربي....
معقوله يخوني وأحبه وما زلت أتعلق به وأنتظره يرجعلي!!!!
لا والله أغفر كل شى إلا...."الخيانه"
وألف لا ما اتنازل عن حقي...
أنتو مقتنعين بهالشى....؟!
شاركوني حيرتي وسمعوني "ردودكم"
"الله لا يهينكم",,,,, ...... .,,,,,,
منقول
السبلة العمانية
زوجي يخوني..."بس أحبه" 
العرض العادي
